Select Page

Presentación

A Confederación Galega de Asociacións Veciñais “Rosalía de Castro” (CoGAVe) está integrada por sete federacións veciñais:
Na provincia da Coruña:
Federación de Asociacións Veciñais da Coruña e Área Metropolitana e Federación de Asociacións Veciñais de Ferrol «Roí Xordo».
Na provincia de Lugo, a Federación de Asociacións Veciñais de Lugo «Lucus Augusti».
Na provincia de Ourense, a Federación de Asociacións Veciñais de Ourense «Limiar».
Na provincia de Pontevedra: a Federación de Asociacións Veciñais «Castelao» de Pontevedra, Federación de Asociacións Veciñais «Eduardo Chao» de Vigo e Federación Veciñal «O Facho» de Cangas do Morrazo.
O obxectivo fundamental da CoGAVe é a defensa dos intereses das veciñas e dos veciños, e en especial os dos máis desfavorecidos (muller, infancia, familia, xuventude e minorías étnicas) no ámbito desta Confederación.
Son fins da Confederación Galega de Asociacións Veciñais “Rosalía de Castro” a promoción e creación de servicios sociais necesarios para a comunidade, a promoción cultural da mesma, a defensa dos intereses xerais das veciñas e veciños, e do desenvolvemento de valores de convivencia, a creación das vocalías de muller, infancia familia e menores, xuventude, minorías étnicas e medio ambiente, tendentes á aparición de lazos sociais e solidariedade humana e á conservación do noso entorno.

A quen vai dirixida

Esta Páxina web pretende ser unha ferramenta útil para toda a cidadanía galega, en especial para o movemento veciñal. Ademais da consulta e descarga de documentación de interese, pódese acceder á páxina web de moitas Administracións e Entidades relacionadas, directamente dende os enlaces que incluimos, por considerar que son os máis interesantes para o noso campo de actuación.
Pretendemos que esta páxina web se vaia ampliando, segundo os intereses e necesidades que se presenten, polo que agradecemos que nos enviedes as vosas suxerencias como usuarios, utilizando o formulario de contacto, do que tamén vos podedes valer para enviarnos calquera cuestión relacionada cos intereses veciñais galegos.

Día Nacional de las Lenguas de Signos Españolas. 10 aniversario

Hoy, 14 de junio de 2024, conmemoramos el 10 aniversario de la Declaración del Día Nacional de las Lenguas de Signos Españolas. Desde la Confederación Galega de Asociacións Veciñais "Rosalía de Castro" - CoGaVe, defendemos y seguiremos apoyando cada iniciativa y...

A Federación provincial de Asociacións Veciñais «Lucus Augusti» de Lugo -membro da CoGaVe- inicia en Lugo, coa colaboración da C.H.M.S. – Confederación Hidrográfica Miño-Sil-, un ciclo de charlas sobre as normas dos ríos

Ademais de Lugo, estarán en Sarria, o Corgo e na Terra Chá Cartel11 Xuñ. 2024.A Federación de Asociacións Veciñais de Lugo Lucus Augusti, chegou recentemente a un acordo coa Confederación Hidrográfica Miño-Sil, para facer unha serie de charlas divulgativas das...
GalegoEspañol