Levar internet ao 100% da provincia de Pontevedra, gran obxectivo da Subdelegación

Abel Losada recibe a directivos da Federación de Vecinos Castelao para mostrarlles os distintos servizos que se prestan desde a sede de Praza de España

Redacción13/jun./24 – 17:30 Actualizado: 13/jun./24 – 17:56

O subdelegado do Goberno en Pontevedra, Abel Losada, abriu este xoves as portas da Subdelegación a directiva da Federación Veciñal Castelao con motivo da Semana da Administración Aberta, unha iniciativa que ten como finalidade achegar as administracións públicas á cidadanía baseándose nos principios do Goberno aberto: transparencia, rendición de contas, participación cidadá, integridade pública e colaboración.

Na visita participaron Juan Loureiro, Juan José Esperón e Ramón López. O percorrido polas dependencias da Subdelegación na praza de España e rúa Michelena foi guiado pola secretaria xeral, María Isabel Alonso.

Os representantes veciñais puideron coñecer de primeira man as diferentes unidades que integran a sede estatal e a súa carta de servizos, aprobada este ano, así como compartir as súas inquietudes e reclamacións coas persoas responsables das diferentes dependencias.

Na Oficina de Rexistro recibiron unha explicación da funcionalidade da app e o sitio web Mi Carpeta Ciudadana, desde onde se poden facer trámites dun xeito sinxelo e intuitiva e coñecer o estado dos expedientes, así como as datas de caducidade de documentos.

Esta oficina tramitou durante o ano pasado 33.772 documentos e alcanzou un cociente de dixitalización do 95 %. Así mesmo, desde este servizo emitíronse 3.640 certificados electrónicos e 1.041 certificados do sistema de identificación Cl@ve.

Tramitadas máis de 1.200 manifestacións na provincia o pasado ano, máis de 3 cada día

En total, por esta oficina pasaron 7.557 persoas en 2023, e no que vai de ano case 3.000. Así mesmo, a Subdelegación do Goberno de Pontevedra tramitou unhas 1.200 comunicacións de manifestacións durante o pasado exercicio, o que dá unha media de 3,2 cada día.

130 medidas en materia de Reto Demográfico

O subdelegado explicou tamén os diferentes programas e actuacións do Goberno en materia de Reto Demográfico. Incidiu en que «para este Executivo é fundamental velar polo cumprimento efectivo dos dereitos en todo o territorio, co obxectivo de garantilos vivan onde vivan as persoas».

Así, fixo fincapé no Plan de 130 medidas fronte ao Reto Demográfico e debullou os datos do programa DUS5000, así como o «avance imparable» do programa ÚNICO-Banda Ancha, que cun investimento superior aos 29 millóns de euros, permitirá levar a conexión internet alta velocidade a toda a provincia antes de decembro de 2025. Na actualidade, o 95 % do territorio provincial xa conta con este tipo de conexión.

Abel Losada aproveitou para anunciar que o día 26 a Subdelegación organizará un encontro co director de proxectos de Hispasat, Miguel Ángel Argüelles, á que estarán invitados todos os concellos da provincia, para dar a coñecer o Programa ÚNICO-Demanda Rural. Esta iniciativa ofrece conectividad de 200 Mbps a un prezo de 35 euros ao mes aos usuarios que non dispoñan de fibra. «Grazas á aposta decidida deste Goberno, a conectividad no territorio da provincia será do 100%, na inmensa maioría dos casos por fibra e no resto, nos núcleos máis afastados, por satélite».

A conectividad no territorio da provincia será do 100%, na inmensa maioría dos casos por fibra e no resto, nos núcleos máis afastados, por satélite

Tamén revisou outros investimentos, como os Plans de Sustentabilidade Turística en Destino ou as Aulas Mentor, que permiten que os concellos pequenos ofrezan formación non regulada telemáticamente á súa veciñanza.

Unha aposta pola dinamización comercial

O subdelegado tamén recordou a aposta pola dinamización comercial nestas localidades, con programas como Da túa man, xestionado pola Deputación de Pontevedra con fondos estatais, o Bono de Alugueiro Xoven, que con 23 millóns de euros beneficiou a 5.000 mozos na comunidade autónoma, ou o Kit Dixital, ao que xa se sumaron 9.500 empresas da provincia grazas a un investimento aproximado de 40 millóns de euros.

Para rematar, o subdelegado fixo entrega da Carta de Servizos da Subdelegación para o período 2024-2027, que acaba de publicarse, e que permite unha comprensión rápida de todos os procedementos administrativos e servizos que dependen da Subdelegación do Goberno en Pontevedra.

FONTE: DIARIO DE PONTEVEDRA. 13/06/2024.