Hoxe, martes 29 de outubro, a Federación de Asociacións Veciñais de A Coruña e Área Metropolitana -membro da CogaVe- participou na Mesa de Vivendas de Uso Turístico do Excmo. Concello de A Coruña.
Nesta ocasión, o Sr. Concelleiro de Urbanismo, Rehabilitación e Vivenda, D. Francisco Díaz, informou das achegas recibidas durante o período de consulta pública, e explicou as liñas xerais do borrador de ordenanza que regulará as VUT.
O Concello avanza na nova ordenanza reguladora das vivendas de uso turístico
O concelleiro de Urbanismo, Rehabilitación e Vivenda, Francisco Díaz, reuniuse esta mañá coas distintas entidades e asociacións relacionadas co sector.
29 de octubre de 2024
O Concello avanza na nova ordenanza reguladora das vivendas de uso turístico
O concelleiro de Urbanismo, Rehabilitación e Vivenda, Francisco Díaz, reuniuse esta mañá coas distintas entidades e asociacións relacionadas co sector
O Goberno municipal da Coruña segue a avanzar no establecemento dunha nova ordenanza reguladora para as vivendas de uso turístico (VUT) do municipio. Esta mañá o concelleiro de Urbanismo, Rehabilitación e Vivenda, Francisco Díaz, mantivo un novo encontro na mesa sectorial creada para avanzar no novo regulamento da man das distintas entidades. Acudiron representantes da Federación de Asociacións de Veciños, Aproinco, Aviturga, Hospeco, Colexio Oficial de Administradores de Fincas, Colexio Oficial da Propiedade Inmobiliaria, COAG e Unión de Consumidores de Galicia.
No encontro, o concelleiro analizou as achegas recibidas durante o período de consulta pública, e explicou as liñas xerais do borrador de ordenanza no que está a traballar o Concello. Díaz indicou que durante as dúas vindeiras semanas está previsto traballar para consensuar a nova ordenanza a nivel político e avanzou que a mesa reunirase de novo tras ese período para escoitar tamén as aportacións que poidan facer as distintas partes.
FONTE: PÁXINA WEB DO EXCMO. CONCELLO DE A CORUÑA. / CORUNA.GAL/ 29/10/2024.
