Na segunda metade do ano 2021, desde a Confederación Galega de Asociacións veciñais «Rosalía de Castro» – CoGaVe, puxemos en marcha o programa «Xuntos contra a Violencia de Xénero», no marco dun convenio de colaboración entre a CoGaVe e a Consellería de Emprego e Igualdade da Xunta de Galicia para a posta en marcha dunhas xornadas de concienciación e sensibilización da lacra social que é a Violencia de Xénero.
Realizáronse 7 xornadas, mantendo tódalas medidas requeridas polas autoridades sanitarias a fin de previr posibles contaxios durante a pandemia pola Covid19.
Percorremos as 4 provincias de Galicia. Estivemos en Lugo cidade, A Coruña, O Carballiño, Vigo, Poio e Sarria.
Contamos coa intervención de profesionais de diferentes eidos, xa que desde a CoGaVe entendemos que a loita contra a Violencia de Xénero debe facerse desde un enfoque multidisciplinar. Por iso, contamos con profesionais do mundo da psicoloxía, da docencia, da pedagoxía, do Dereito, e tamén da autodefensa e seguridade.
Agardamos ter contribuído a que a sociedade se conciencie acerca deste gran drama que estamos a sofrir, e para o que temos que estar unidos -mulleres e homes- ata lograr erradicalo da nosa sociedade.
De seguido adxuntamos imaxes das diferentes xornadas levadas a cabo.
Xornada «Xuntos contra a Violencia de Xénero» do convenio entre a CoGaVe e a Consellería de Emprego e Igualdade da Xunta de Galicia. 6 de novembro de 2021. Lugo
O sábado 6 de novembro de 2021, no local da Federación de Asociacións Veciñais «Lucus Augusti» da provincia de Lugo -Rúa Luis Ameijide, 10. Entrechán C. 27.003, Lugo- tivo lugar a presentación e primeira das xornadas do programa «Xuntos contra a Violencia de Xénero», pertencente a un convenio de colaboración asinado entre a CoGaVe -Confederación Galega de Asociacións Veciñais «Rosalía de Castro» e a Consellería de Emprego e Igualdade da Xunta de Galicia, para o desenvolvemento e posta en marcha do citado programa de prevención e sensibilización da lacra social que é a Violencia de Xénero.
A presentación da xornada correu a cargo do Presidente da CoGaVe, D. Fernando Rois Rois; ademáis da coordinadora do programa «Xuntos contra a Violencia de Xénero» desde a CoGaVe, Dna. María José Villamarín Santomé; e do Vicepresidente e Voceiro da Federación de Asociacións Veciñais «Lucus Augusti» da provincia de Lugo -ademáis de Voceiro da CoGaVe- D. José Manuel carballo Vázquez, como representante da Federación de Asociacións Veciñais anfitriona.
Dita xornada levou por título «Taller de autoprotección para a Muller», e foi impartida polo instructor experto en Defensa e Seguridade, ademáis de membro do clube «OVIEPOL» e da «Federación Asturiana de Luchas Olímpicas e outras disciplinas» D. Iván Rodríguez Zapico.
A xornada, de máis de 3 horas de duración, contou coa receptividade e participación do público asistente -tanto feminino como masculino-, así como de diversos medios de comunicación, que comprobaron, in situ, a necesidade de coñecer as reaccións do propio corpo ante unha inminente agresión, e as medidas de prevención que se deben ter sempre en conta para a propia seguridade.
Xornada «Xuntos contra a Violencia de Xénero» do convenio entre a CoGaVe e a Consellería de Emprego e Igualdade da Xunta de Galicia. 11 de novembro de 2021. A Coruña
O xoves 11 de novembro de 2021, no Centro Cívico «Os Mallos» de A Coruña -Avda. de Arteixo, 147. 15.007, A Coruña-, celebrouse a segunda das xornadas do programa «Xuntos contra a Violencia de Xénero», enmarcada nun convenio de colaboración entre a CoGaVe – Confederación Galega de Asociacións Veciñais «Rosalía de Castro»- e a Consellería de Emprego e Igualdade da Xunta de Galicia, para a posta en marcha deste programa de sensibilización e prevención da lacra social que é a Violencia de Xénero.
A xornada estivo presentada pola Presidenta da Federación de Asociacións Veciñais de A Coruña e Área Metropolitana -Federación anfitriona-, Dna. María Luisa Varela Ínsua, así como pola coordinadora do programa «Xuntos contra a Violencia de Xénero» desde a CoGaVe, Dna. María José Villamarín Santomé.
Asimesmo, participaron na presentación Dna. Judit Fontela Baro, Xefa Territorial de Emprego e Igualdade da Xunta de Galicia na Delegación de A Coruña, como representante da Administración Pública que asinou o citado convebio de colaboración coa CoGaVe; e, tamén, Dna. Eudoxia -«Yoya»- Neira Fernández, Concelleira de Benestar Social do Concello de A Coruña. Ademáis, asistiron representantes de grupos municipais, como as Concelleiras Dna. Nazareth Cendán Gayoso e Dna. María Teresa Gutiérrez Roselló, do Grupo Municipal do Partido Popular no Concello de A Coruña; ou a ex Subdelegada do Goberno na provincia de A Coruña, Dna. Pilar López-Rioboo.
A xornada consistiu nunha charla-coloquio cun enfoque multidisciplinar, dirixida por catro profesionais de diferentes perfís:
Dna. Paula Suárez Gullón, pedagoga especialista en intervención social.
Dna. Noelia Gómez Díaz, psicóloga especialista no tratamento de vitimas de Violencia de Xénero.
Dna. Annie Buquet Segarra, avogada na área de Violencia de Xénero.
Dna. María del Carmen Rivas Fernández, docente especialista en Igualdade e Violencia de Xénero.
A xornada prolongouse durante máis de dúas horas e contou coa receptividade do público asistente, que plantexou dúbidas e cuestións ás profesionais durante as súas intervencións.
Xornada «Xuntos contra a Violencia de Xénero» do convenio entre a CoGaVe e a Consellería de Emprego e Igualdade da Xunta de Galicia. 12 de novembro de 2021. O Carballiño
O venres 12 de novembro de 2021, celebramos a terceira xornada do programa «Xuntos contra a Violencia de Xénero», enmarcado nun convenio de colaboración entre a CoGaVe – Confederación Galega de Asociacións Veciñais «Rosalía de Castro» e a Consellería de Emprego e Igualdade da Xunta de Galicia para a elaboración e posta en marcha de dito programa de prevención e sensibilización contra a lacra social da Violencia de Xénero ó longo de toda Galicia.
A presentación da xornada correu a cargo de D. Manuel Mosquera Rodríguez, Presidente da Federación de Asociacións Veciñais «Limiar» da provincia de Ourense, e anfitrión nesta data, xa que tivo lugar en O Carballiño -provincia de Ourense-, concretamente no centro sociocomunitario -Rúa Julio Rodríguez Soto, 37. 32.500, O Carballiño, Ourense-; e de Dna. María José Villamarín Santomé, coordinadora do programa «Xuntos contra a Violencia de Xénero».
Ademáis, participaron na mesma D. Claudio Ferreiro Carnero, Vicepresidente da Federación de Asociacións Veciñais «Limiar» da provincia de Ourense, e Vicetesoureiro da CoGaVe; e máis membros da Xunta Directiva da Federación anfitriona.
A xornada consistiu nunha charla-coloquio dirixida por tres profesionais de diferentes perfís:
Dna. Noelia Gómez Díaz, psicóloga especialista no tratamento de vítimas de Violencia de Xénero.
Dna. Sonia Calvo Tato, avogada e asesora xurídica.
Dna. María del Carmen Rivas Fernández, docente especialista en Igualdade e Violencia de Xénero.
O público asistente -tanto masculino como feminino, e de idades diversas pero con predominio de terceira idade- mostrouse moi receptivo ás intervencións das profesionais e participaron activamente no coloquio que se xerou ó remate da xornada.
Xornada «Xuntos contra a Violencia de Xénero» do convenio entre a CoGaVe e a Consellería de Emprego e Igualdade da Xunta de Galicia. 17 de novembro de 2021. Vigo
A coordinadora do programa «Xuntos contra a Violencia de Xénero», Dna. María José Villamarín Santomé, con varios asistentes á xornada
O mércores 17 de novembro de 2021, celebramos a cuarta xornada «Xuntos contra a Violencia de Xénero» pertencente ó convenio de colaboración asinado entre a CoGaVe – Confederación Galega de Asociacións Veciñais «Rosalía de Castro» e a Consellería de Emprego e Igualdade da Xunta de Galicia para a elaboración e execución dun programa de prevención e sensibilización contra esta lacra social que é a Violencia de Xénero.
A xornada tivo lugar en Vigo, no Salón de Actos do Edificio Administrativo da Xunta de Galicia -Rúa Concepción Arenal, 8. 36.201, Vigo, Pontevedra-; e estivo presentada pola coordinadora do programa «Xuntos contra a Violencia de Xénero» desde a CoGaVe, Dna. María José Villamarín Santomé; e contou tamén coa participación da Presidenta da Federación de Asociacións Veciñais «Eduardo Chao» de Vigo, Dna. María Asunción Pérez González; así como da Xefa Territorial de Emprego e Igualdade da Xunta de Galicia en Pontevedra, Dna. Marta Mariño Regueiro.
A xornada consistiu nunha exposición e posterior coloquio dirixido por catro profesionais, baixo un enfoque multidisciplinar. As profesionais que nos acompañaron foron:
Dna. Paula Suárez Gullón, pedagoga especialista en intervención social.
Dna. Almudena Álvarez Carrera, psicóloga especialista no tratamento de vítimas de Violencia de Xénero.
Dna. Annie Buquet Segarra, avogada na área de Violencia de Xénero.
Dna. María del carmen Rivas Fernández, docente especialista en Igualdade e Violencia de Xénero.
O público asistente foi moi numeroso, e tanto feminino como masculino, e participaron activamente do coloquio que se xerou ó remate das intervencións das catro profesionais.
Xornada «Xuntos contra a Violencia de Xénero» do convenio entre a CoGaVe e a Consellería de Emprego e Igualdade da Xunta de Galicia. 18 de novembro de 2021. Lugo
O xoves 18 de novembro de 2021, celebramos a quinta xornada «Xuntos contra a Violencia de Xénero», pertencente a un convenio de colaboración entre a CoGaVe -Confederación Galega de Asociacións Veciñais «Rosalía de Castro»- e a Consellería de Emprego e Igualdade da Xunta de Galicia para a elaboración e posta en marcha dun programa de prevención e sensibilización contra esta lacra social que é a Violencia de Xénero.
A xornada tivo lugar en Lugo, no local da Federación de Asociacións veciñais «Lucus Augusti» da provincia de Lugo -Rúa Luis Ameijide, 10. Entrechán C. 27.003, Lugo-, e contou coa asistencia e participación dos seus Presidente, D. Jesús Vázquez Varela -ademáis de tesoureiuro da CoGaVe-, e Secretario -D. Luis Abel Fernández; Secretario, ademáis, da CoGaVe-.
A presentación correu a cargo da coordinadora do programa «Xuntos contra a Violencia de Xénero», Dna. María José Villamarín Santomé; e posteriormente consistiu nunha charla.coloquio de enfoque multidisciplinar, coa intervención de catro profesionais de disferentes perfís:
Dna. Paula Suárez Gullón, pedagoga experta en intervención social.
Dna. Sonia Calvo Tato, avogada e asesora xurídica.
Dna. Noelia Gómez Díaz, psicóloga especialista no tratamento de vítimas de Violencia de Xénero.
Dna. María del Carmen Rivas Fernández, docente especialista en Igualdade e Violencia de Xénero.
O público asistente participo activamente na xornada, e tralas exposicións das catro profesionais tivo lugar un interesante coloquio.
Xornada «Xuntos contra a Violencia de Xénero» do convenio entre a CoGaVe e a Consellería de Emprego e Igualdade da Xunta de Galicia. 20 de novembro de 2021. Poio
Hoxe, sábado 20 de novembro de 2021, celebramos a sexta xornada «Xuntos contra a Violencia de Xénero», pertencente a un convenio de colaboración entre a CoGaVe -Confederación Galega de Asociacións Veciñais «Rosalía de Castro»- e a Consellería de Emprego e Igualdade da Xunta de Galicia para a elaboración e posta en marcha dun programa de prevención e sensibilización desta lacra social que é a Violencia de Xénero.
A xornada de hoxe foi de tipo práctico, e levou o título de «Taller de Autoprotección para a Muller». Foi impartida polo Instructor experto en Portección e Seguridade e membro do clube «OVIEPOL» e da Federación Asturiana de Luchas Olímpicas e outras disciplinas, D. José Antonio Serrapio Ramos. Esta xornada complementa a realizada o pasado día 6 de novembro de 2021, de tipo teórico, na sede da Federación de Asociacións Veciñais «Lucus Augusti» da provincia de Lugo -Rúa Luis Ameijide, 10. 27.003, Lugo-, e levada a cabo polo tamén Instructor experto en Protección e Seguridade e membro do clube «OVIEPOL» e da Federación Asturiana de Luchas Olímpicas e outras disciplinas, D. Iván Rodríguez Zapico.
Esta sexta xornada tivo lugar en Poio, Pontevedra. Ó tratarse dunha sesión práctica e deportiva, tivo lugar no Ximnasio Municipal de Poio -Camiño da Fábrica, 25. A Seca. 36.995, Poio, Pontevedra-. Nesta xornada, ademáis de público aberto -tanto feminino como masculino-, participou unha representación da Asociación de Mulleres en Igualdade de Poio, encabezada pola súa Presidenta, Dna. María José González López.
A xornada estivo dirixida por Dna. María José Villamarín Santomé, coordinadora do programa «Xuntos contra a Violencia de Xénero», e tras unha breve presentación inicial deu paso á sesión práctica, dirixida polo Instructor D. José Antonio Serrapio Ramos.
Ó longo de máis de 3 horas de duración, o público asistente -feminino e masculino- tivo oportunidade de aprender e practicar, nun ambiente distendido, diversos exercicios e movementos de defensa, claves en situacións de risco para a propia vida.
A conclusión unánime foi clara: este tipo de sesións son moi útiles e deberían realizarse con maior asiduidade. Agardamos, polo tanto, que exista continuidade.
Xornada «Xuntos contra a Violencia de Xénero» do convenio entre a CoGaVe e a Consellería de Emprego e Igualdade da Xunta de Galicia. 13 de decembro de 2021. Sarria
O luns 13 de decembro de 2021, celebramos a sétima e derradeira xornada -xornada de clausura- «Xuntos contra a Violencia de Xénero», pertencente a un convenio de colaboración entre a CoGaVe -Confederación Galega de Asociacións veciñais «Rosalía de Castro»- e a Consellería de Emprego e Igualdade da Xunta de Galicia para a elaboración e posta en marcha dun programa de prevención e sensibilización desta lacra social que é a Violencia de Xénero.
Esta xornada de clausura tivo lugar en Sarria, no Hotel Alfonso IX -Rúa Peregrino, 29. 27.600, Sarria, Lugo-, ás 19h. e contou coa asistencia e participación do Presidente da Federación de Asociacións Veciñais «Lucus Augusti» da provincia de Lugo, D. Jesús Vázquez Varela -que é, tamén, Tesoureiro da CoGaVe-; e do Delegado Territorial da Xunta de Galicia na provincia de Lugoi, D. Javier Arias Fouz; ademáis da coordinadora do programa «Xuntos contra a Violencia de Xénero», Dna. María José Villamarín Santomé.
Asistiron, ademáis, o Secretario da Federación de Asociacións Veciñais «Lucus Augusti» da provincia de Lugo -e Secretario da CoGaVe, D. Luis Abel Fernández, e máis membros das diferentes Asociacións Veciñais da provincia; así como os Concelleiros de Sarria D. José Antonio García López -Grupo Popular- e Dna. María Eugenia Valcárcel López – Concelleira de Igualdade no Concello de Sarria polo Grupo Camiña Sarria-.
A xornada de hoxe consistiu nunha charla multidisciplinar e posterior coloquio entre todos os asistentes -público feminino e masculino-.
As profesionais que nos acompañaron hoxe foron:
Dna. Noelia Gómez Díaz. Psicóloga especialista no tratamento a vítimas de Violencia de Xénero. Traballadora no CIM -Centro de Información á Muller- de Sarria.
Dna. Paula Suárez Gullón. Pedagoga experta en intervención social.
Dna. Sonia Calvo Tato. Avogada e asesora xurídica.
A xornada contou tamén con momentos emotivos, como o agradecemento, por parte da coordinadora do programa «Xuntos contra a Violencia de Xénero», Dna. María José Villamarín Santomé, a tódolos profesionais que nos acompañaron ó logo destas sete xornadas.
O Delegado Territorial da Xunta de Galicia na provincia de Lugo, D. Javier Arias Fouz, manifestou o compromiso da Xunta de Galicia coa loita e a concienciación para a erradicación da Violencia de Xénero, materializada en programas como éste.
O Presidente da Federación de Asociacións Veciñais «Lucus Augusti» da provincia de Lugo, D. Jesús Vázquez Varela, puxo en valor a importancia do tecido asociativo para a implementación de programas como éste, e valorou positivamente a implicación das Administracións neste eido, así como matizou a necesidade de seguir avanzando ata acadar a erradicación desta lacra social que é a Violencia de Xénero.
A xornada finalizou coa entrega ó Delegado Territorial da Xunta de Galicia en Lugo, D. Javier Arias Fouz, do símbolo da CoGaVe: a pomba como metáfora da Liberdade do Movemento Veciñal, como recoñecemento á implicación da Administración á que representa na loita contra a Violencia de Xénero.
Ademáis, a coordinadora do programa «Xuntos contra a Violencia de Xénero», Dna. MAría José Villamarín Santomé, recibiu tamén a pomba símbolo da CoGaVe, polo deseño, organización e posta en marcha de cada unha das xornadas que conformaron o programa ó longo das catro provincias de Galicia.
Agardamos, desde a CoGaVe, que esta iniciativa obtivera os seus froitos e contribuíse a concienciar á sociedade sobre a importancia de loitar todos xuntos -mulleres e homes- contra esta lacra social que é a Violencia de Xénero.
Moitas gracias a tódalas persoas que nos acompañástedes ó longo de todo este programa. Xuntos lograremos o obxectivo.
