Os veciños contan desde esta fin de semana cunha nova parada de autobús urbano para dar servizo a Castro de Elviña, Someso e Xuxán durante os domingos e festivos.
Agradecemos moito ó Concello da Coruña e a Compañía de Tranvías o acordo para satisfacer esta demanda realizada dende a Federación de Asociacións Veciñais e tamén dende outras entidades da contorna.
Debido a que o bus universitario non ten funcionamento os domingos e festivos, desde este mesmo domingo hai unha nova parada, ubicada na avenida da Universidade, entre as dúas rotondas do acceso ao Campus de Elviña, parada convenientemente sinalizada e que formará parte da ruta do número 5.
O autobús número 5 dará servizo ao Castro de Elviña e Someso cunha nova parada no campus todos os domingos e festivos
Os veciños de Castro de Elviña, Someso e tamén Xuxán contarán desde esta fin de semana cunha nova para de autobús urbano para dar servizo a ditos barrios durante os domingos e festivos. Así o anunciou a alcaldesa, Inés Rey, quen desta forma da resposta a unha antiga demanda realizada desde e a Federación de Asociación de Veciños e tamén desde as entidades veciñais da contorna.
Ata o momento, as veciñas e veciños do barrio dispoñían da liña universitaria que tamén prestaba servizo a esa zona. Mais o bus universitario non ten funcionamento os domingos e festivos. Desde este mesmo domingo (tamén o vindeiro luns, ao ser festivo) haberá unha nova parada, ubicada na avenida da Universidade, entre as dúas rotondas do acceso ao Campus de Elviña, parada convenientemente sinalizada e que formará parte da ruta do número 5. Deste xeito os barrios quedarán cubertos durante os 365 días do ano.
O Concello traballa xa na nova licitación do bus urbano, cuxa concesión remata en decembro deste ano. Ademais, o executivo de Inés Rey mantén en vigor as axudas aos usuarios, que abonan un 50% da tarifa establecida, o que permitiu chegar o ano pasado a unha cifra récord de usuarios, achegándose aos 25 millóns.
FONTE: PÁXINA WEB DO EXCMO. CONCELLO DE A CORUÑA. 21/06/2024.
